Thursday, January 26, 2017

ඩෙංගු යනු මොකද්ද ?



ඩෙංගු රෝගය ලංකාවේ මර්දනයට විශාල ශක්තියක් දමා 5% ත් 10 % ත් අතර ප්‍රමාණයක් සාර්ථක වු ව්‍යාපෘතියකි. ඩෙංගු රෝගීන් කළමණාකරනය කොට සුවපත් කිරීම ලංකාවේ රෝහල්වල 80% ක් පමණ සාර්ථක වී ඇත. එනම් නිවාරණ වැඩසටහන ආසාර්ථකයි, ප්‍රතිකාර වැඩසටහන සාර්ථකයි.

එසේනම් ඩෙංගු ශ්‍රී ලංකාවෙන් තුරන් කිරීම සදහා ඒ පිළිබදව දැනුවත්ව සිටීම ඉතා වැදගත්ය.

අනෙකුත් රෝග මෙන්ම ඩෙංගු රෝගයේද පුරවැසි ආකල්පය වනුයේ, එය කාට වැළදුනත් තමන්ට නොවැළදෙන බවයි. නමුත් එය ඉතාම වැරදි මාරාන්තික ආකල්පයකි. ඩෙංගු ඕනෑම පන්තියක, ලංකාවේ ඕනෑම සමාජ මට්ටමක, ඕනෑම ප්‍රදේශයක, ඕනෑම කෙනෙකුට වැළදිය හැකිය. මට නොහැදේ යන ආකල්පය ඇති මිනිසුන්ට ඉතා ඉක්මනින් ඩෙංගු රෝගය වැළදේ. මන්ද පරිස්සම නොමැති බැවිනි. එබැවින් ඩෙංගු මදුරුවාට හා එම රෝගයට නයෙකුට මෙන් බියවිය යුතුය.

ඩෙංගු රෝගය බෝවනුයේ මදුරුවන්ගෙන් නොව මිනිසුන්ගෙනි. ඩෙංගු මදුරුවා යනු වෛරසය රැගෙන යන්නාය. එසේනම් ඔබ අසල්වැසියන්, ඥාතීන්, යාළු මිත්‍රාදීන් ඩෙංගු රෝගය වැළදී ඇත්නම් එම රෝගීයා මදුරුවන්ගෙන් ආරක්ෂා කළයුතුවන්නා සේම අපද මදුරුවන්ගෙන් ආරක්ෂා වී සිටිය යුතුය. ඩෙංගු වෛරසයේ ජීවන චක්‍රය බිද දැමීම එම වෛරසයෙන් මිදීමට ඇති එකම මගයි.

එහි ප්‍රධානතම කාර්යයන් වන්නේ,

01. හැකිතාක් ඩෙංගු රෝගීන් අඩුකර ගැනීමයි.

02. ඩෙංගු වාහක මදුරුවා බෝවීමට ඇති පිරිසිදු ජලය රැදෙන තැන් සියල්ල අවධාරණයෙන් " සියල්ල " ඉවත් කළ යුතුය.

03. මදුරු දැල් හා මදුරුවන් පැමිණීම වළක්වන සියලුම උපක්‍රම භාවිතා කළ යුතුය. ( Air Condition තිබීම මදුරුවන් පැමිණීම වැළැක්වීමට හේතුවක් නොවේ. )

04. උණ, හෙම්බිරිස්සාව, ඔලුව කැක්කුම, ඇගේ අමාරුව වැනි රෝග ලක්ෂණ ඉතාම කුඩාවට හෝ පහළ වුවහොත් වගකීමක් සහිත වෛද්‍යවරයෙකු හමු වී වෛද්‍ය උපදෙස් මත අදාළ වෛද්‍ය පරීක්ෂණ සිදුකර ගත යුතුය.

05. ඔබ බස්නාහිර පළාතේනම් රෝහල් ගත වීමට තෝරාගත යුතු රෝහල් පිළිවෙලින් මෙසේය.

01. මීගමුව රෝහලේ ඩෙංගු මර්දන ඒකකය
02. රිජ්වේ ළමා රෝහල
03. අයි. ඩී. එච්. උණ රෝහල හා අනෙකුත් රජයේ රෝහල්
පෞද්ගලික රෝහල් ඩෙංගු ප්‍රතිකාර කළමණාකරනයේදී අඩුම කාර්යක්ෂමතාවක් පෙන්වා ඇත. (තත්ත්වය හා පහසුකම් ජීවිතය තරම් වටින්නේ නැත. )

06. ඔබේ දරුවා හෝ ඔබ ඉගෙන ගන්නා පාසැල, වැඩ කරන සේවා ස්ථානය, ඔබ දිනපතා   ජීවත්වන ප්‍රදේශ ඩෙංගු බෝවීමට උපකාරී වන ආකාරයෙන් නොපවත්වා ගැනීමට උපරිම ලෙස කටයුතු කරන්න. හැමදෙනාටම ඩෙංගු සෑදීමට ඇති අවධානම පිළිබද කතා කරන්න. සමාජය අවධියෙන් තබන්න.

ඩෙංගු මදුරුවා මෙතෙක් ලෝකයේ බිහිවූ භයානකම සත්ත්වයෙකි.

No comments:

Post a Comment