ලංකාවේ මුල් පදිංචිකරුවා දෙමළා ද ? සිංහලයා ද ?

ලංකාවේ ජාතික ව්‍යාපාරය යනු මහාචාර්ය නලින්ද සිල්වාවත්, ගුණදාස අමරසේකරවත්, අනගාරික ධර්මපාලවත් මහින්ද රාජපක්ෂවත්, මහින්ද පතිරණවත්, ඥාණසාරවත්, ඩෑන් ප්‍රියසාද්වත් ගොඩනැගුවක් නොවේ. මා ඉහතින් නම් සදහන් කළ චරිත ජාතික ව්‍යාපාරයේ රැල්ල මත පිහිනමින් තම දේශපාලන අරමුණු සුරාන්තයට පත්කර ගත්තෝ හා ගන්නෝ වෙති.

එබැවින් සිංහල ජාතිකත්වයේ මූලාරම්භය ලෙස හදුනාගත හැක්කේ මහාවංශයත් කියනා පරිදි ඉන්දියානු විජයගේ ලංකාගමනයයි. විජය මුලින්ම ගොඩ බැසගත් තම්මැන්නාව පිහිටා තිබුනේ මල්වතු ඔය මහ මුහුද එකතු වන විල්පත්තුව මැද පිහිටි මෝයට ආසන්න ප්‍රදේශයකය. මහ වංශයේ තොරතුරු වලට අනුව විජය ගොඩ බසින විට ශිෂ්ඨාචාරයක් සහිත කුවේණියගේ ජන වර්ගයත් මල්වතු ඔයට උතුරින් ජීවත්ව තිබේ. මා එය එසේ කියන්නේ කුවේණිය සිට ඇත්තේ නිරුවතින් නොව හොදින් ඇද පැළද ගෙන කපු කටිමිනි. 

එසේම විජය සමග සන්නිවේදනය කළ හැකි ඉන්දියානු භාෂාවක්ද ඇය විසින් පරිහරණය කොට තිබේ. එසේනම් ඒ වන විටත් ලංකාවේ මුල් පදිංචිකරුවන් ලෙස අපට හදුනාගත හැක්කේ ලංකාවට සමීප දකුණු ඉන්දියානු ද්‍රවිඩ සංස්කෘතියක් සහිත මිනිසුන් මෙහි වාසය කළ බවයි. මන්ද ඈත උතුරින් විජය පැමිණීමට පෙර ළග දකුණින් මුහුදු ගමනා ගමනය මගින් දකුණු ඉන්දියාව හා ලංකාව අතර දැඩි සම්බන්ධයක් තිබිය හැක. එය ඉතාම තාර්කිකය.

කුඩා නැවක හිරවී උතුරු ඉන්දියාවෙන් පිටුවහල් කළ පිරිමි මදාවීන් (Gangsters) පිරිස ලංකාවට ගොඩ බසිද්දී ඔවුන් සංස්කෘතිමය වශයෙන් කුවේණිගේ පරපුරට කෙසේවත් නොගැළපෙන අය වීමට ඉඩකඩ බොහෝය. එනිසා මගේ තක්සේරුව වන්නේ කුවේණියගේ පරපුර විජය ප්‍රමුඛ කණ්ඩායම මල්වතු ඔයෙන් උතුරට වද්දා නොගත් බවයි. කුවේණිය පැහැරගත් විජය ප්‍රමුඛ ගැන්ග්ස්ටර්ස්ලා මල්වතු ඔයෙන් දකුණට අන්ත දුෂ්කර අනුරාධපුරයට පසු බැස්සේය. එම යුගයේදී මල්වතු ඔයෙන් උතුරින් මන්නාරම, කිලිනොච්චි, මුලතිව්, යාපනය වැනි ප්‍රදේශ දකුණු ඉන්දියානු සංස්කෘතික මුල් පදිංචිකරුවන්ගෙන් පිරි තිබෙන්නට ඇත. මන්ද අද මෙන් එදත් ඔවුන්ගේ ප්‍රමුඛ සම්බන්ධය දකුණු ඉන්දියානු විජය නගර් ශිෂ්ඨාචාරය හා රාජධානිය අතර බැදි තිබෙන්නට ඇත. 

නමුත් ඈත උතුරින් පැමිණි විජය ප්‍රමුඛ කණ්ඩායම මල්වතු ඔයෙන් පහළ පදිංචි වූ පසු ඉන් පල්ලෙහා විශාල භූමිය තුළ පැතිර ගොස් අවුරුදු 2500 කට වැඩි කාලයක් මෙරට මහ ජාතිය බවට පත් විය. ඔවුන්ගේ විය යුතු පරිදිම සිංහල භාෂාව සංස්කෘත භාෂාවෙන් බිදි ආවකි. එම නිසා විජය ප්‍රමුඛ පිරිස උතුරු ඉන්දියානු සම්භවය අපට පිළිගත හැකිය. එසේම මගේ පෞද්ගලික මතය වන්නේ, විජය පැමිණෙන විටද බුද්ධ දර්ශනය පිළිබද ඔවුන්ට අවබෝධයක් තිබු බවයි. මන්ද Sinhalese and Nepalese එක සමාන භාෂා වන බැවිනි.  ලංකාවේ උතුරේ සිට ද්‍රවිඩ භාෂාව පදනම් කරගත් ජාතීන් එදා සිට අද දක්වා හින්දු භාෂාව මත පදනම්ව දකුණු ඉන්දියානු මහ අනෙකාට පක්ෂව ජීවිතය ගෙන යයි. ඔවුන් එදත් අදත් වැඩි සම්බන්ධය තිබුනේ ඉන්දියානු මහ අනෙකා කෙරෙහිය.

නමුත් ඈත උතුරු ඉන්දියානු සිංහලයා ඉන්දියාව සමග ඇති එකම බැදීම බුද්ධ දර්ශනය හා සංස්කෘත භාෂාවයි. අපේක්ෂා නොකළ පරිදි වර්ගයා බෝ කිරීමට වැඩි භූමි ප්‍රමාණයක් හිමි වීම නිසාවෙන් සිංහලයා මෙම දිවයිනේ මහ ජාතිය බවට පත් විය.

සිංහල, දෙමළ ජාතිකත්ව අර්බුදය ඇතිවූයේ විජය කුමාරයා මෙරටට ගොඩ බැසි දිනයේය. දෙමළ ජාතිකත්ව ව්‍යාපාරයේ Propet වන්නේ කුවේණිගේ තාත්තාය. සිංහල ජාතිකත්ව ව්‍යාපාරයේ Propet වන්නේ, විජය කුමාරයාය.

දුටුගැමුණුගේ සිට අනගාරික ධර්මපාල, ගුණදාස අමරසේකර, නලින්ද සිල්වා, මහින්ද රාජපක්ෂ, විමල් වීරවංශ, ඥාණසාර හා මහින්ද පතිරණ දක්වා සියල්ලෝම සිංහල ජාතික ව්‍යාපාරය තුළ හාල් කෑලිය.